प्रयागराज जयपुर एक्सप्रेस रेलगाड़ी अब बीकानेर तांई चालेला। बुधवार ने ईं गाड़ी ने सांसद राहुल कस्वां, बीकानेर री महापौर सुशीला कंवर राजपुरोहित अर डीआरएम बीकानेर ऊं हरी झंडी बता र रवाना कीनी। कार्यक्रम मांय बीकानेर रा सांसद अर केंद्रीय मंत्री अर्जुनराम मेघवाल अर बीकानेर रा विधायक अर शिक्षा मंत्री डॉ. बी. डी. कल्ला वर्चुअल तरीका ऊं जुड्या। ईं मौके सांसद राहुल कस्वां कह्यो के प्रयागराज – जयपुर रेलगाड़ी ने चूरू व्हेती थकी बीकानेर तांई चलावण ऊं ईं हलका री जनता रो उत्तर प्रदेश तांई जुड़ाव व्हेला। वे कह्यो के लुधियाना – सादुलपुर सवारी गाड़ी ने चूरू तांईं बधायां पाछै अब रतनगढ़ तांई चलावण री कोशिश करी जा रही है। 
आज चलायी ज्यी गाड़ी सप्ताह मांय 04 दिन सीकर-फतेहपुर शेखावाटी-चूरू अर तीन दिन सीकर-झुंझुंनू-लोहारू-सादुलपुर-चूरू व्हेती थकी चालेला।